Skip to main content

Back to work


အလုပ်မလုပ်တာ ၃ နှစ် ရှိသွားတယ်။ အခု လုပ်ငန်းခွင်ပြန်ဝင်တော့ ယောင်ချာချာနဲ့။ ဦးနှောက်ကလည်း အရင်လို အလုပ်မလုပ်တော့ဘူး။ အလုပ်နဲ့ပတ်သတ်တဲ့ဟာတွေလည်း မနည်း အစပြန်ဖော်နေရတယ်။ မသိ မတတ်ပါဘူး ဆိုမှ တရုတ်တွေနဲ့ အလုပ်တွဲလုပ်ရတော့ ယီး တွေဖြစ်ကုန်ရော။

တရုတ်တွေနဲ့ ခုမှ စပြီး တွဲလုပ်ဖူးတာပဲ။ လက် ကို ဆယ်ခါပြန်အောင် လန်တယ်။ အရင်က တွဲ အလုပ်လုပ်ဖူးခဲ့တဲ့ ဖိလစ်ပိုင်နဲ့ အိန္ဒိယတွေနဲ့စာရင် တခြားစီပဲ။
ရောက်ရောက်ချင်း ပိုက်လိုင်းတွေ မသိလို့ diagram ဖတ်တယ်။ စ တွေ့တာပဲ။ diagram ထဲက valve number တွေ က အပြင်မှာ မရှိဘူး။ ရှိတဲ့ဟာကလည်း ဖတ်မရအောင် ပျက်စီးနေတာများတယ်။ valve name plate တွေပါ ဆေးသုတ်ပစ်ထားတာတွေရော(မော်တာ name plate တွေရောပဲ)။ valve name plate တင် မကဘူး။ machinery name plate တွေပါ ဆေးသုတ်ပစ်ထားတာ။ ကောင်းရောကွာ။ နောက်ပြီး ပြသနာက communication မှာ ပြသနာ။ English လို ပြောတတ်တာ လက်တဖက်စာပဲ ရှိတယ်။ ဒါတောင် တဝက်က ကိုယ်နဲ့ပြောခါနီးရင် ကိုယ့်ကို အလုပ်ခိုင်းခါနီးရင် dictionary ပြေးလှန်နေရတာ အမော။ အဓိက machinery တွေတော့ English လို ပြောသင့်ပါတယ်။ ဒါပေမယ့် ပေါက်ဖော်တွေက Engine , pump, motor က အစ ရှိသမျှ အင်ဂျင်နီယာ အခေါ်တွေကို တရုတ်လို ဘာသာပြန်ပြီး ပြောတော့ သူတို့ တိုင်ပတ်ကုန်ရော။ တော်သေးတယ်။ ကိုယ့်ရဲ့ ဆရာတွေ မြန်မာမှာကတည်းက အင်္ဂလိပ် လိုပဲ သင်ပေးခဲ့လို့။ လျှပ်စစ်ထုတ်ပေးသည့် မီးစက် တို့ ဘာတို့ မပြောခဲ့လို ခုကျ အဆင်ပြေတာ။

နောက်ပြီး ကျွန်တော်ကအဆဲသန်တယ်ဗျ။
ဆဲတာကလည်း မပြောနဲ့။ မြင်းခြံသားကိုး။ မွေးကတည်းက ဆဲလာတာ။ ဒီရောက်တော့လည်း ဆဲတာပါပဲ။ မြန်မာလိုဆဲလိုက် အင်္ဂလိပ် လို ဆဲလိုက်နဲ့ပေါ့။(စိတ်ကူးပေါက်ရင် ရုရှားလိုပါ ဆဲလိုက်သေးတယ်) ဟုတ်တယ်။ လုပ်ရ ကိုင်ရ အဆင်မပြေရင် ဘယ်သူ့မှ အပြစ်ပြောလို့လည်း မရမယ့်အတူတူ အော်ဆဲ ပစ်လိုက်တာ ကောင်းတယ်။
တရက်တော့ ကိုယ့်အထက်က အရာရှိက ဗရုတ်သုတ်ခလုပ်သွားတော့ သူ့ကို ထိုင်ဆဲပါလေရော။(F.W.G ထဲကို သန့်ရှင်းရေးလုပ်တာ သူက အပျင်းကြီးပြီး sight glass တွေအကုန်မဖွင့်ပဲ acid လောင်းထည့်တော့ အထဲက gas တွေနဲ့ ပေါင်းပြီး ထည့်သမျှ acid တွေအကုန် အပြင် ပြန်ကန်ထွက်ကုန်တာ) ကိုယ်ဆဲတော့ သူ့ခမျာလည်း မျက်လုံးလေး ပေကလပ် ပေကလပ်နဲ့ 😁
အဲ့တာနဲ့ အလုပ်လုပ်လာတာလည်း ၆ လ ရှိပြီ။
မနေ့က ကိုယ့်ဆရာနဲ့ စကားပြောရင်းနဲ့ ဟေ့ရောင် မင်း အော်အော်နေတဲ့ f**k ဆိုတာ ဘာကိုပြောတာလဲ ဆိုပြီး မေးပါလေရော။
ငိုးမတရုတ် ။ ရယ်ရမလို ငိုရမလဲ နဲ့။ ဘယ်လိုရှင်းပြလို့ ရှင်းပြရမှန်းမသိဖြစ်သွံားတယ်။

Comments

Post a Comment

Popular posts from this blog

အင်းဝသို့

မန္တလေးကိုရောက်တော့ အင်းဝ ကို တစ်ခါမှမရောက်ဖူးတာနဲ့ဒီတခါ သွားချင်စိတ်လေး ပေါ်လာတာနဲ့ သူငယ်ချင်း ဖိုးကောင်း ကိုခေါ်ပြီး ၂ ယောက်သား အင်းဝဘက်ကို ဆိုင်ကယ်နဲ့ ဒိုးကြတာပေါ့။ အင်းဝ ဟာ တကယ်တော့ ပုဂံ အသေးစားလေးလို့ ပြောလို့ရတယ်။ ဒါပေမယ့် ပုဂံလောက်တော့ မခမ်းနားဘူးပေါ့။ မြို့ရိုးနဲ့ ကျုံးတွေ့လို့ အထဲဝင်ကြည့်တော့ငှက်ပျောခြံကြီးဖြစ်နေတယ်။ အထဲမှာဘာမှမရှိဘူး။ လည်စရာပတ်စရာ နည်းတယ်။ ဟိုတစ်ကွက်  ဒီတကွက် ဘုရားပျက်တွေတော့ ရှိတာပေါ့။ မယ်နု အုတ်ကျောင်း ကတော့ တော်တော်အချိန်ပေးပြီး ကြည့်မှရမယ်။အင်းဝကိုသဘောကျတာတစ်ခုက ဘုရားတွေမရှိတော့ ဘုရားရှိခိုးစရာမလိုပဲ ရှေးဟောင်း ကို အချိန်ပေးပြီး ခံစားလို့ရတာပဲ။ အင်းဝခံတပ် ကိုရောက်တော့ နေ့လည်ဖြစ်နေတာနဲ့ ခံတပ်ဘေးကထမင်းဆိုင်လေးမှာ ဧရာဝတီမြစ်ကြီးကို  ကြည့်ရင်း ထမင်းနဲ့အသုတ်စား ရတာလည်း အရသာတစ်မျိုး။ဒါနဲ့ပဲရောက်တုန်းလေး 360° ပုံလေး ရိုက်မိတာပေါ့။ ကံကောင်းတာက အဲ့နေ့က တိမ်တွေတကယ်လှတယ်ဗျာ။
Post a Comment
Read more

Media Server set up

အိမ်မှာ ရုပ်ရှင်ကြည့်တယ်ပေါ့။ ပြဿနာက ဒီလို။ အိမ်ရှေ့ခန်းထဲမှာက  Mi TV 4S နဲ့ ကြည့်တယ်။ အိပ်ရာထဲရောက်သွားရင် Tablet or phone or laptop နဲ့ ကြည့်တယ်။ အိမ်ရှေ့က ဆိုင်ထဲမှာဆို ဆိုင်ထဲမှာထားတဲ့ desktop PC နဲ့ကြည့်တယ်။ ဒီနေရာမှာ Netflix ဝယ်ကြည့်လေလို့ ပြောရင်လည်းခံရမှာပဲ။ Netflix လည်း ဝယ်ကြည့်ပါတယ်။ ဝယ်သာဝယ်ထားတာ သိပ်လည်း မကြည့်ဖြစ်ပါဘူး။ နောက်ပြီးတော့ ကိုယ်ကြည့်ချင်တဲ့ ဇာတ်ကားတိုင်းက Netflix မှာ မရှိဘူး။ ပြီးတော့ လစဉ်ကြေးကလည်း ထည့်တွက်ရဦးမယ်။ အဲ့ဒါနဲ့ Media server လုပ်ဖြစ်သွားတာပဲ။ Media server ဆိုတာကတော့ ရုပ်ရှင်တွေ media တွေကို အိမ်မှာရှိတဲ့ HDD တစ်လုံးထဲကိုထည့်ထားပြီးအဲ့ထဲက ရုပ်ရှင်တွေကို အိမ်မှာရှိတဲ့ TV, Tablet, Phone နဲ့ Computer တွေကနေ ဝင်ကြည့်လို့ရသွားတာကို ပြောချင်တာပါ။ အဲ့ဒါနဲ့ ဘာ softwareသုံးရမလဲ လိုက်ရှာရင်း Flex ကို တွေ့တယ်။ ဒါပေမယ့် free version မှာ streaming က တစ်မိနစ်ပဲရတယ်။ Kodi ကျတော့ standalone ပဲ သုံးလို့ အဆင်ပြေတယ်။ ဘယ်လိုလုပ်ရမလဲ မသိလို့လားတော့ မသိဘူး။ အဲ့ဒါနဲ့ လိုက်ရှာရင်း EMBY ကို သွားတွေ့တယ်။ https://emby.media/ Emby က platform တော်တော်များများကို ...
Post a Comment
Read more

ပုဂံ အကြောင်း ထွေရာလေးပါး

ပုဂံကို ခဏတိုင်းသွားပြီး ဓါတ်ပုံတွေရိုက်တယ်။ လျှောက်သွားတယ်။ အဲ့ဒီမှာ ဘာတွေ့ရလဲဆိုတော့ ပုဂံကို လာလည်တဲ့ မြန်မာလူမျိုးတွေ (တချို့) ပုဂံလာရကျိုး မနပ်သလိုပဲ။ တခါလာလည်း စွယ်တော်လေးဆူနဲ့ တခြား နာမည်ကြီး ဘုရားတွေပဲ ဘုရားရှိခိုးပြီးပြန်သွားကြတယ်။ သူတို့တော့ဘယ်လိုနေမယ်မသိဘူး။ ကိုယ်တော့ လာရကျိုးမနပ်ဘူးလို့ သူတို့အစား နှမျောမိတယ်။ တကယ်ဆို ပုဂံမှာ ကြည့်စရာတွေ အပြည့်ပါဗျာ ။ ကြည့်ရတာ မြန်မာတွေက ပုဂံကို ဘုရားရှိခိုးဖို့ပဲလာပြီး နိူင်ငံခြားသားတွေက ရှေးဟောင်းအမွေအနှစ်တွေကို ကြည့်ဖို့လာတာပဲ ဖြစ်ရမယ်။ ပုဂံမှာ နှစ်ပေါင်းထောင်ချီပြီး တည်မြဲနေတဲ့ ဗိသုကာလက်ရာတွေ ရှေးဟောင်း အနုပညာလက်ရာတွေ မှ အများကြီးပါ။ ကျွန်တော်ဆို ပုဂံသွားခါနီးတိုင်း  ပုဂံနဲ့ပတ်သက်တဲ့ စာအုပ်တွေ ရှာဖတ်ဖြစ်တယ်။ မှတ်မှတ်ရရ တခါတုန်းကဆို ဆရာ ပါရဂူ ရဲ့ ပုဂံခရီးသည် စာအုပ်ဖတ်ပြီး ပုဂံရောက်သွားတာ စာအုပ်ထဲက ဘုရားတွေကို လိုက်ရှာ ပြီး ရောက်အောင်သွားတော့တာပဲ။ ပုဂံဘုရားတွေမှာ ဘီလူးပန်းဆွဲတွေ တွေ့မိတာနဲ့ ရှာဖတ်မိတဲ့စာလေး တွေ့လို့ ပြန်မျှဝေလိုက်တာပါ။ ဘီလူးပန်းဆွဲ (သို့) ဘီလူးပန်းကိုက် ဗုဒ္ဓ နဲ့ဆိုင်တဲ့သာသနိကအဆောက်ဦးတွေမှာ ဟိန္ဒူ နဲ့ဆိုင်တဲ့ အန...
Post a Comment
Read more